Aktivitetar i Nordfjord
Alt i ein fjord!
Mellom den største fastlandsbreen i Europa og det villaste havet i Norge ved Stad ligg Nordfjord, med spektakulære fjell og dalar, bølgande jordbruksbygder og dramatisk kystlandskap. Her er det tett mellom store og lett tilgjengelege opplevingar. Nordfjord er Norge på sitt flottaste, høgste, lengste, mjukaste og tøffaste. Alt i ein fjord.
Kilde: Visit Nordfjord
Briksdalsbreen
Den mektige Briksdalsbreen er ein del av Jostedalsbreen Nasjonalpark. frå 1200 meters høgd stuper det ville brefallet heilt ned i den frodige, tronge Briksdalen - eit syn som kvart år trekkjer til seg gjestar frå heile verda. God mat og drikke, overnatting i fjellstove, leiligheit eller hytte, fjellturar og eit innhaldsrikt suvenirhus gir deg gode minner frå Briksdalen.
Briksdalsbreen ligg i enden av Oldedalen, rundt 20 km frå Olden. Frå fjellstova er det ein om lag 3 km lang grusveg opp til breen. Du kan gå eller bli køyrd i open bil. "Trollbilane" køyrer 2,5 km og dei siste 500 meterane må ein gå. Stien er tilrettelagt for rullestol og barnevogn. Briksdalsbre Fjellstove er open frå mai til september.
Brebuss frå Stryn kvar dag frå 1.juni til 31.august.
Kilde: Visit Nordfjord
Geiranger
Geirangerfjorden er juvelen blant fjordane i Noreg. Dette området er eit eventyrlandskap av majestetiske, snødekte fjelltoppar, ville og vakre fossar, frodig vegetasjon og den djupe, blå fjorden. Ta deg ein tur med sightseeing-båten og utforsk alt dette frå fjordsida. Eller følg vegen som snor seg gjennom den eine hårnålssvingen etter den andre, opp til Geiranger Skywalk på Dalsnibba, til Flydalsjuvet og Ørnesvingen, og få panoramautsikt over eit av dei vakraste turistmåla i verda. Området vart teke med på Unescos verdsarvliste i 2005, og er rekna for å vere eit av dei mest særmerkte fjordområda på jorda.
Kilde: www.fjordnorway.com
Sagastad
Sagastad er bygd i Sagaparken i Nordfjordeid sentrum, rett ved den vakre Eidsfjorden. Tomta ligg mindre enn 300 meter frå gravhaugane på Myklebust, der Myklebustskipet vart funne i éin av gravhaugane (Rundehåjen).
Sagastad er eit kunnskap og opplevingssenter av nasjonalt format.
Bygget har ein diameter på 38 meter. Det svarer omlag til storleiken på gravhaugen Rundehågjen. Bygget er på ca 1030 m2.
Det 30 meter lange Myklebustskipet er det sentrale elementet i bygget. Det runde rommet gjev høve til å sjå skipet både tett på og frå ein viss avstand, ein kan også gå ombord.
Loen Skylift
Loen Skylift er eit av dei største og mest spektakulære reiselivsprosjekta i Norge. Frå fjordbygget startar oppstigninga med pendelbana til fjellet Hoven (1011 moh).
Etter nokre minutt i luftig svev kjem du til fjellbygget og restauranten der du får eit 210 graders panoramautsyn med utsikt til Skåla og Lovatnet i aust, Jostedalsbreen og Olden i sør, og ut Nordfjorden som buktar seg vidare mot Stryn i vest. Frå Hoven kan du oppleve høgfjellet på eiga hand i eit omfattande stinett, eller med guide. Til fots, på sykkel eller på ski. Mogleheitene er mange - valet er ditt.
Måløyraid Senteret
Internasjonalt krigshistorisk informasjonssenter om krigshistorien sin første allierte fullskala «Combined Operations», der marinen – flyvåpenet og kommandosoldatar angreip samtidig, i same begrensa operasjon og under ei felles leiing.
Måløyraidet, med kodenavn « Archery»- blei ein viktig og strategisk seier for dei allierte, over Hitler sine nazistyrkar, og starten på Hitler sitt nederlag, under 2.verdskrig. Historia vil setje deg tilbake i tid, ved hjelp av autentisk film, bilete, lyd, lukt, gjenstandar og grafisk design.
Tvinnefossen
Tvinnefossen er eit fossefall i elva Tvinna øst for Hopland og Randabygd i Stryn kommune. Fossen renn av eit framspring i berget som gir rom for å bevege seg under fossen. Tidlegare var dette bygdefolkets vei ned til fjorden. Det skal vere det einaste fossefallet i Nord-Europa med vei for folk og dyr bak vassfallet. Navnet Tvinna kjem frå måten elva bevegar seg i det bratte landskapet i fossar og kvervlar, ikkje ulikt slik garn tvinnast.
Fjordhestsenter
Ligg på Nordfjordeid og er det nasjonale senteret for avl og bruk av fjordhesten. Senteret er ope heile året og kan tilby rideleirar, ride-og køyreturar, rideturar i fjellet m.m. I vestlandsnaturen kan du oppleve fjordhesten i sitt rette naturlege element.
Laksefiske
Den fantastiske Eidselva snor seg nedover Eidsdalen i eit vakkert landskap. Med start ved Nor, i vestre ende av Hornindalvatnet, og etter endt ferd ned Eidsdalen, tømer elva seg i Eidsfjorden, ved Os, nærmast i Eid sentrum. Hølane, eller fiskaplassane er spreidde over ei strekning på omlag 10 km, med varierande kvalitet. Sjå meir om fiskereglar og kjøp av fiskekort på eidselva.no.
Kulturhuset Gamlebanken
Kulturhuset Gamlebanken er eit utstillingsvindu for alle Nordfjordkunstnarar, samt å presentere dei gjennom med separarutstillingar. Vi ønskjer også å presentere kunstnarar frå andre delar av landet. Dette gjer vi gjennom ei kollektiv sommar og juleutstilling, der fleire utstillarar deltek. I samband med operaen på hausten har vi òg ei operautstilling, i tillegg ei eller to separatutstillingar. Faste kunstnarar som har bilder for salg i Gamlebanken er Finn Egil Eide, Tommy Bredesen, Ien Klaver, Åge Steinseth, Kjeld Stub, Alexander Stub, Ørnulf Opdahl,Olav Storø, Roy Dahl, m.fl. Les meir på www.gamlebanken.no
Fotturar
Nordfjord har eit av landets mest spennande område for fjellturar til fots. I 2005 vart det for første gong arrangert ein Vandrefestival i august. Dette var ein stor suksess. Ikkje minst løpet opp Skåla i Loen. Meir informasjon finn du hos Reisemål Stryn & Nordfjord. Du kan gå mange fine turar med hotellet som utgangspunkt - uten å setje deg i bil ein gong.
Golf
Nordfjordeid har flott 9-hols golfbane på Stokkenes, omlag fem minutt frå hotellet.Golfbana til Nordfjord Golfklubb er idyllisk plassert ved Eidselva. Vi anbefalar vår gode og næringsrike frukost før 18 hol på Stokkenes!
